呢度係掃QR code點餐
有餐前小食: 蝦片同好好味嘅醬
蝦片好脆，好好食！
火鍋湯底我揀左牛骨船湯同椰子雞湯
兩個湯底都超正！係泰式嘅味道！
雙檸紅茶
芝士奶蓋泰式奶綠
兩杯都好好飲！
杯紅茶真係飲到兩款唔同嘅檸檬味，唔錯！又唔會太甜！
奶綠都沖得好好飲，唔會太甜，奶蓋好味！
三味刺身一口杯
呢度嘅刺身都好新鮮，有帶子，蝦，三文魚
全部都有唔同嘅泰式醬汁
好味！
經典泰豬鍋拼盤
有4款豬肉，全部都好好食！
店員教落有啲冇咁肥嘅豬肉可以喺火鍋煮一煮先，再放上去燒，會好食啲同冇咁易燶。果然冇錯！好食！店員服務都好好，好貼心咁自動幫我加湯。
泰式豬梅花肉片
呢個必點！燒之前要打散隻蛋同啲肉片撈埋一齊，先放上去燒。啲肉片同蛋嘅組合好夾，第一次咁食，但我幾鍾意！
白蘿蔔及通菜
啲菜好新鮮好爽口，蘿蔔都好甜，同湯底好夾，好正！
金邊粉
呢個必點！兩卷粉，我分別用左椰子雞湯底同牛骨湯底去煮，真係兩隻味都好好食，好夾！啲粉完美地吸曬湯底嘅精華！
黎張近鏡of邊打邊爐邊燒肉先。好chill!
最後點少得芒果糯米飯呢！呢個一口嘅份量都係好好！我本身仲驚會黎好大碟，因為我同朋友都已經食到好飽。呢個甜品上到枱都仲係好熱，證明佢係即整。我覺得幾好食！上面仲有啲脆脆，多重口感，唔錯唔錯！
