Video
Read full review
2022-08-15
573 views
呢間餐廳已經吾係第一次嚟，耐唔時就掛住下佢，就再上嚟，又睇下有冇換下新menu ，又可以試下佢啲新嘅特色食物。餐廳環境幾好，綠色為主，中間吊有不同顏色的燈箱。角落天花仲有隻巨大啤啤，十分有趣。今日天氣好熱，所以坐低後，二話不說先叫兩支消暑凍飲先。《柑桔檸檬綠茶》微酸醒神；《香茅青蘋果茶》清甜舒服可口。每次必食佢嘅 《Shake Shake 雞軟骨》，因為夠香又惹味。香口嘢永遠都咁受歡迎。雞軟骨香脆、配上香料和金不換，的確係零舍不同，好啱送啤酒。阿仔就鍾意食豬頸肉，今次就試下《惹火上身咸檸豬頸肉》，見到個名都諗唔到佢點樣惹火法，直至送上檯，店員叫我們小心啲，然後拎出火熗，突然火光一閃，真係嚇一嚇，好彩個火一迅即世，原來惹火上身就係咁嘅意思。因為我本身都鐘意咖啡，所以有啲好奇《NVN咖啡骨》係點嘅味道。送上檯時睇到個賣相，真心攪到我都一舊雲。因為店員送上一個咖啡杯上有一朶雲，然後配上一壺咖啡，然後將咖啡倒入杯中，雲朶就漸漸化。原來杯中有已經煮淋的豬軟骨，加有大大薑塊，然後最後由我倒入咖啡，令到惹淋的肉骨增添了咖啡香味，雲朶就添加了甜味，令整個肉骨味道豐富。咖啡香、微辣及甜好獨特。建議可以改
餐廳環境幾好，綠色為主，中間吊有不同顏色的燈箱。角落天花仲有隻巨大啤啤，十分有趣。
今日天氣好熱，所以坐低後，二話不說先叫兩支消暑凍飲先。《柑桔檸檬綠茶》微酸醒神；《香茅青蘋果茶》清甜舒服可口。
每次必食佢嘅 《Shake Shake 雞軟骨》，因為夠香又惹味。香口嘢永遠都咁受歡迎。雞軟骨香脆、配上香料和金不換，的確係零舍不同，好啱送啤酒。
阿仔就鍾意食豬頸肉，今次就試下《惹火上身咸檸豬頸肉》，見到個名都諗唔到佢點樣惹火法，直至送上檯，店員叫我們小心啲，然後拎出火熗，突然火光一閃，真係嚇一嚇，好彩個火一迅即世，原來惹火上身就係咁嘅意思。
因為我本身都鐘意咖啡，所以有啲好奇《NVN咖啡骨》係點嘅味道。送上檯時睇到個賣相，真心攪到我都一舊雲。因為店員送上一個咖啡杯上有一朶雲，然後配上一壺咖啡，然後將咖啡倒入杯中，雲朶就漸漸化。原來杯中有已經煮淋的豬軟骨，加有大大薑塊，然後最後由我倒入咖啡，令到惹淋的肉骨增添了咖啡香味，雲朶就添加了甜味，令整個肉骨味道豐富。咖啡香、微辣及甜好獨特。建議可以改名做「一舊雲NVN 咖啡骨》就更有趣了。
呢個見隔離檯叫，見佢隻蝦超大超誇張，所以又叫埋一份，《差不多一尺蝦》真係勁大隻。蝦頭大過我隻手指公，蝦炸至金黃酥脆，伴有特別醬汁及香料，保留蝦的鮮味之餘，提升了味道層次。
《順化麻辣鴨血金邊粉》麻辣鴨血我同阿仔都鍾意。第一次配金邊粉食，味道又幾唔錯啵。而且有很多料，除鴨血，仲有扎肉和肉丸。
每次嚟都有些驚喜新款菜式，所以真係要久不久要嚟舊地重遊。
Post
