呢間拉麵好特別，淨係煮三款拉麵，而且仲會提供咖啡。拉麵店有佢獨特嘅食拉麵順序方法，首先飲咗咖啡先，再飲拉麵嘅湯，再飲多次頭先嗰杯咖啡，會發現咖啡味會有唔同，而店主亦都好有性格會好細心介紹個餐牌，而且提醒顧客唔好騷擾及打斷介紹，不過店主對客人態度非常好，而且睇得出佢對食物有佢嘅想法同埋堅持
冷萃咖啡
前調係士多啤梨曲奇，飲落有種酸酸甜甜嘅果香味，後來有一浸焦糖味
蝦湯拉麵
蝦湯非常濃厚，啱晒重口味嘅人，如果唔鍾意太油膩，可以揀雞白湯
雞白湯拉麵
雞白湯比起平時去食嘅有少少唔同，佢係有陣雞油喺面，但唔係泡沫係雞白湯，呢款雞白湯較清淡，同時又可以散發濃郁雞味
呢兩款拉麵都配上無花果光，拎嚟配搭肉嚟食，呢種配搭好特別，肉質嫩滑既無花果乾，酸甜適中。
布丁
最後叫咗佢嘅布丁，味道甜甜口感紮實，焦糖汁微苦，夾埋一齊食唔會太甜
