古今二 (荃灣千色匯I) (Closed)

朋友話想食卷物，就陪佢一齊食啦，抱著無乜特別大期望就入嚟食啦。雖然話食卷物，但我一見到我嘅至愛燒牛舌，當然唔會錯過啦。牛舌都幾大塊，又唔薄，師傅燒嘢嘅手勢又拿捏得剛剛好，牛舌食落好嫩，好淋。三文魚頭湯好大個三文魚頭，啲湯係奶白色嘅，除咗魚頭，亦都有豆腐同旺菜，小小葱同胡蘿蔔。三文魚頭肉質好滑，豆腐食得出應該都係用日本豆腐，豆味好濃，而且用加埋旺菜，令到成個湯底都有陣鮮甜味。煙花火山好大份，好多，估唔到煙花卷物同火山一齊上，視覺效果上已經好IGable了。食材係新鮮嘅，不過如果可以小啲沙律醬會更加好，因為太多醬反而會遮蓋咗三文魚，吞拿魚同帶子嘅味，但總體而言都係好食的。