陶源酒家 (Closed)

星期六瞓醒起身同媽咪嘆番個brunch 既yum cha😂😂 因為兩個人又唔係食得多 所以去間好坐d 好食d嘅酒樓😛就揀去陶源啦！ 星期六日最好打個電話去留位先 (PS.同埋佢下午茶有七折架 好似3點後有🤔🤔就平好多既)兩個人我哋今日食咗個二人set 有好多款點心 每樣兩件咁 可以試多幾樣☺️☺️個樣係咪好靚好精緻呢☺️蝦餃同燒賣都係正常水準好食既 又金箔又鮑魚啦 反而最值得推介嘅係呢兩樣～冬菇包+野菌餃！冬菇包個外表真係成粒冬菇咁樣 連個錠都有😂😂真係好似架！好得意！😂 個包好軟熟 餡都係雜菌好香！至於松露野菌餃就必食啦💯💯 松露好惹味 而啲野菌切到一粒粒好有咬口 一食落去成個口腔都係菇菇菇🤣🤣我至愛阿😍😝星期六想嘆番個靚茶 呢度都係一個唔錯嘅選擇 不過就真係可能要等下位啦 人多就唔好博要book啦