銀津點心茶餐廳

Open Now

Now Closed

呢度係賣創意點心嘅，第一次嚟食我覺得好特別。其他傳統嘅點心質素普普通通，正正常常，唔會有伏，不過都唔係特別好食。今次次叫咗個奶黃西多士，煮得好熱，一切落去，啲奶黃係會流出嚟，唔會一塊塊咁樣樣。呢個西多士真係好特別，暫時都未見過其他餐廳有，我覺得大家可以去試呢個西多士。佢好似仲有個係芝麻糊西多士，不過食咗一件就已經好飽，所以今次無機會試。下次再嚟會試下。服務方面，餐廳入面啲阿叔阿姐都好好禮貌，唔該前，唔該後。