Video
Read full review
2022-09-18
332 views
當文歷嘅甜品可愛又搞鬼，聽就聽過好多次。但親眼見到造型可愛又打卡able嘅甜品📸，真係樣樣都想擺入口試，揀嚟揀去揀咗勁耐，最後試咗以下幾款。🥟蝦餃 · 香桃雲呢拿慕斯蛋糕 $70雖然做唔到透明嘅皮，但成個造型設計都好似蝦餃🤣。蝦餃皮係雲呢拿青檸慕絲，入面包住杏仁海綿蛋糕同埋糖漬香桃，仲有啲脆脆。整體桃味🍑唔算好濃，淨係食到雲呢拿mousse嘅味，唔算太甜太漏。味道唔錯，但定價略貴。👅評分：7.5/10🍋檸檬麻糬軟包 $25麻糬軟包入面嘅檸檬吉士醬真係超級流心，一切開就好似山泥傾瀉咁流出嚟🤣。味道酸酸甜甜，有好香嘅檸檬味。軟包嘅面頭有少少似菠蘿包層皮嘅口感，幾特別。可惜入面嘅麻糬比較細條，無想像中咁煙韌嘅口感。👅評分：7/10🍪港式奶茶曲奇杯 $48本來見到個display係話另外附上冷萃奶茶即沖即食，但送上枱嘅時候係已經斟好咗奶茶喺曲奇杯入面，所以奶茶份量好少，基本上兩啖就飲完😩。味道就係最基本嘅曲奇同奶茶味，唯一特別就係益力多造型，個人認為唔需要特別試🙈。👅評分：5.5/10🍨腐竹糖水軟雪糕 $50呢幾款甜品入面我最鍾意就係呢個雪糕🍦，係用咗香港80年豆製品老字號樹記嘅腐竹製作而成，
🥟蝦餃 · 香桃雲呢拿慕斯蛋糕 $70
雖然做唔到透明嘅皮，但成個造型設計都好似蝦餃🤣。蝦餃皮係雲呢拿青檸慕絲，入面包住杏仁海綿蛋糕同埋糖漬香桃，仲有啲脆脆。整體桃味🍑唔算好濃，淨係食到雲呢拿mousse嘅味，唔算太甜太漏。味道唔錯，但定價略貴。
👅評分：7.5/10
🍋檸檬麻糬軟包 $25
麻糬軟包入面嘅檸檬吉士醬真係超級流心，一切開就好似山泥傾瀉咁流出嚟🤣。味道酸酸甜甜，有好香嘅檸檬味。軟包嘅面頭有少少似菠蘿包層皮嘅口感，幾特別。可惜入面嘅麻糬比較細條，無想像中咁煙韌嘅口感。
👅評分：7/10
🍪港式奶茶曲奇杯 $48
本來見到個display係話另外附上冷萃奶茶即沖即食，但送上枱嘅時候係已經斟好咗奶茶喺曲奇杯入面，所以奶茶份量好少，基本上兩啖就飲完😩。味道就係最基本嘅曲奇同奶茶味，唯一特別就係益力多造型，個人認為唔需要特別試🙈。
👅評分：5.5/10
🍨腐竹糖水軟雪糕 $50
呢幾款甜品入面我最鍾意就係呢個雪糕🍦，係用咗香港80年豆製品老字號樹記嘅腐竹製作而成，豆味香濃而且軟滑。入面仲有薏米、糖漬銀杏、同埋樹記嘅腐皮卷，凍冰冰嘅腐皮卷口感彈牙又清爽，鍾意腐竹糖水嘅絕對唔可以錯過👍🏻。
👅評分：9/10
腐竹糖水軟雪糕
$50
39 views
0 likes
0 comments
Post
