Video
Read full review
2019-08-07
25 views
平時食開廚師發辦，通常都係以刺身同魚生為主，有時食到中後期就會開始膩。而呢度嘅廚師發板就比較特別，採用傳統嘅日本食材，但加入左自己創新嘅煮法，好有創意，款款都能夠帶比我驚喜！店員一開始就會送上一杯蘋果汁加日本清酒，味道甜絲絲，酒味唔算重，有清新既蘋果香。平時對牛油果冇太大嘅好感，但呢款有大量牛油果醬嘅前菜我並唔反感。牛油果味唔算特別重，係容易接受既味道，醬汁下係大量雜錦魚生，兼有少量芥末。感覺好似食緊沙律咁，係幾有趣既食法。接落黎就係煙燻鴨胸同蛋，造型設計相當別緻，以鳥巢嘅造型示人。值得一讚嘅係鴨胸，有一點點蜜糖既香甜同十足既煙燻香氣，口感香軟入味。接落嚟就係牛骨湯登場，會用一部特別嘅器皿即席煮湯，望睇去有少少似蒸餾咖啡。湯汁會倒入盛有肉片同蓮藕嘅碗中，飲落係非常濃郁，牛味十足，而且完全冇羶味。相當鐘意既一道菜式，外面係用糯米製作而成嘅「報紙」，裡面係熱辣辣既雞肉，連用作固定既蔬菜都經炙燒過，味道非常香口，旁邊嘅蘿蔔亦有解膩之效。四色天婦羅脆卜卜，而且油膩感不重。菠蘿沙冰可以清一清喉嚨，正式進入壽司環節。粉紅色外皮既係豆紙壽司，外層由豆腐製成，好搶眼。壽司內裡盛滿牡丹蝦，香濃既蝦肉溢滿
店員一開始就會送上一杯蘋果汁加日本清酒，味道甜絲絲，酒味唔算重，有清新既蘋果香。
平時對牛油果冇太大嘅好感，但呢款有大量牛油果醬嘅前菜我並唔反感。牛油果味唔算特別重，係容易接受既味道，醬汁下係大量雜錦魚生，兼有少量芥末。感覺好似食緊沙律咁，係幾有趣既食法。
接落黎就係煙燻鴨胸同蛋，造型設計相當別緻，以鳥巢嘅造型示人。
值得一讚嘅係鴨胸，有一點點蜜糖既香甜同十足既煙燻香氣，口感香軟入味。
接落嚟就係牛骨湯登場，會用一部特別嘅器皿即席煮湯，望睇去有少少似蒸餾咖啡。
湯汁會倒入盛有肉片同蓮藕嘅碗中，飲落係非常濃郁，牛味十足，而且完全冇羶味。
相當鐘意既一道菜式，外面係用糯米製作而成嘅「報紙」，裡面係熱辣辣既雞肉，連用作固定既蔬菜都經炙燒過，味道非常香口，旁邊嘅蘿蔔亦有解膩之效。
四色天婦羅脆卜卜，而且油膩感不重。
菠蘿沙冰可以清一清喉嚨，正式進入壽司環節。
粉紅色外皮既係豆紙壽司，外層由豆腐製成，好搶眼。壽司內裡盛滿牡丹蝦，香濃既蝦肉溢滿口腔，好幸福，不過芥末就略嫌重手左少少。
-
三文魚包菜壽司用蔬菜包住新鮮既三文魚，尾端既三文魚經輕輕炙燒過，有淡淡油香，蔬菜爽脆清新，好夾！
-
鮟鱇魚肝幾香口，下面類似米通既食材脆卜卜。
-
蟹膏壽司，壽司經龍蝦湯熬煮，口感似意大利飯。
進入甜品環節，店員送上一杯巨蜂提子，甜度適中，飲落去既感覺就好似係炎炎夏日飲緊汽水一樣咁爽！
焦糖多士香脆可口，配埋濃郁既綠茶雪糕，好幸福既晚上！
Post
