拳王泰國餐廳 (Closed)

依間有好多好評的新式泰菜餐廳，裝潢好有特式，電視仲播映泰拳比賽。食泰菜必叫的泰式生蝦，生蝦大而新鮮，配一般生蝦的酸辣汁，正正常常，沒甚特別。另外仲叫左個半份海南雞，上菜時會淋上湯在雞身，令雞keep住濕潤同溫熱。雞係滑的淋的，但雞味一般，雞皮都係淋的。最有驚喜的菜式！巨型多汁荔枝去核，裏面係有香料的蟹肉，底部放有粉絲吸收哂上層的甜酸香料，可惜蟹肉完全冇蟹味，價錢亦略貴。南瓜海鮮咖哩配法包意想不到的用原隻南瓜，偏甜口味的咖哩，南瓜如果可以蒸得更淋就更好了，南瓜肉厚，十分飽肚。