Video
Read full review
2024-01-14
1262 views
餐廳：菊月町 (觀塘) 地址：觀塘鴻圖道23號利登中心地下1號舖 位於觀塘工業區嘅菊月町唔經唔覺已經開咗8年，中間轉過一次舖位，佢哋午市有多款日式定食、丼飯、鐵板燒同Omakase🍣，而晚市除咗鐵板燒同Omakase套餐之外，亦有日式料理A La Carte餐牌，比你盡情享受各款日式料理嘅滋味🇯🇵 今次過嚟食佢哋嘅Omakase Tasting Menu ——焰月，有先付、季節刺身、手握壽司、手卷、吸物、時令果物共20品，每人承惠$980。佢哋堅持用最時令季節性嘅食材，做到不時不食嘅宗旨，希望食客食到嘅都喺最正嘅魚生🐟 坐低無耐店員就送上枝豆、魷魚乾同鱈魚乾三款餐前小食，配埋清酒就一流🍶 ✝️先付 有胡麻醬番茄🍅、醋漬水雲同蟹膏豆腐碗蝦肉🦐，店員教我地順着呢個次序食，就可以由最淡味品嘗到最濃味，幾款都相當開胃🤓 ✝️季節刺身 刺身有5款，時令嘅鱈魚白子，味道比較濃烈，入口爽滑咬落綿密，加咗柚子皮同酸汁食落清新好多，值得一提佢有好高蛋白質同營養價值😏；爽口清甜嘅北海道相生蠔🦪，上面放咗清淡帶鹹香嘅鯡魚黃金魚籽，凸顯出蠔嘅甘甜鮮香；用高身玻璃杯裝住北海道毛蟹肉🦀，當中混合咗蛋黃、黑椒、芽蔥、魚
地址：觀塘鴻圖道23號利登中心地下1號舖
位於觀塘工業區嘅菊月町唔經唔覺已經開咗8年，中間轉過一次舖位，佢哋午市有多款日式定食、丼飯、鐵板燒同Omakase🍣，而晚市除咗鐵板燒同Omakase套餐之外，亦有日式料理A La Carte餐牌，比你盡情享受各款日式料理嘅滋味🇯🇵
今次過嚟食佢哋嘅Omakase Tasting Menu ——焰月，有先付、季節刺身、手握壽司、手卷、吸物、時令果物共20品，每人承惠$980。佢哋堅持用最時令季節性嘅食材，做到不時不食嘅宗旨，希望食客食到嘅都喺最正嘅魚生🐟
坐低無耐店員就送上枝豆、魷魚乾同鱈魚乾三款餐前小食，
配埋清酒就一流🍶 
✝️先付
有胡麻醬番茄🍅、醋漬水雲同蟹膏豆腐碗蝦肉🦐，
店員教我地順着呢個次序食，就可以由最淡味品嘗到最濃味，幾款都相當開胃🤓 ✝️季節刺身
刺身有5款，
時令嘅鱈魚白子，味道比較濃烈，入口爽滑咬落綿密，加咗柚子皮同酸汁食落清新好多，值得一提佢有好高蛋白質同營養價值😏；
爽口清甜嘅北海道相生蠔🦪，上面放咗清淡帶鹹香嘅鯡魚黃金魚籽，凸顯出蠔嘅甘甜鮮香；
用高身玻璃杯裝住北海道毛蟹肉🦀，
當中混合咗蛋黃、黑椒、芽蔥、魚子醬同銀箔，
高貴得嚟層次口感都好豐富；
再嚟嘅喺豪華版蝦多士，除咗拖羅蓉，
仲有富山白蝦同馬糞海膽，鋪埋金箔同食用花做裝飾🌸，呢件多士即刻好食十倍🤤；
最後一款刺身喺用咗魚味極濃嘅
煙燻吞拿魚腦天、吞拿魚赤身、沙甸魚乾同紫蘇葉整成夾心層，最外圍仲有香脆紫菜包住，
一啖咬落5樣食材做到外脆內軟效果，
鮮味層次十足又有邊個抵擋得到🤩 ✝️手握壽司
手握壽司有5款，
中間仲送上灑咗黑七味粉嘅慢煮鮟鱇魚肝做間場，有「海洋鵝肝」之稱，食落質感綿密滑膩夠結實。
第一款喺鰤魚壽司，喺重過5kg嘅野生油甘魚，因為冬天關係所以脂肪油分比較多❄️，入口較綿滑；
第二款喺北海道牡丹蝦壽司，師傅即場挑走蝦腸，面頭蓋上炙燒成一片膜狀嘅牡丹蝦膏🦐，蝦味好濃郁；
第三款喺根室馬糞海膽壽司，
肥厚飽滿得嚟甘香味濃；
第四款喺銀鱈魚BB壽司，
切成格仔紋再炙燒令魚油香更出，加埋黑松露鮮味Double up⬆️；
最後一款喺藍鰭大拖羅壽司，輕輕燒香令僅餘嘅魚油脂都迫晒出嚟，入口即溶、鮨香滿溢嘅滋味真喺一試難忘😋 
✝️手卷
望住師傅將新鮮吞拿魚嘅皮下脂肪炙燒🔥，
令魚油滴喺拖羅蓉、香蔥、洋蔥、芝麻等食材上面再撈勻整成拖羅蓉手卷，
每喺入口都喺豐富嘅Omega-3😍 
最後有蛋香滑溜嘅新鮮野菌蒸蛋、
清甜嘅松葉蟹湯羹，
同朱古力香蕉蛋糕伴香印青提作結，呢餐又點會唔滿足呢🥰
Post
