Häagen-Dazs (Closed)

有朋友咁岩有Häagen-Dazs嘅$100現金卷，加上佢同朋友有好多味都唔食所以就臨時拉夫叫咗我去。雪糕款式大路，包括有綠茶、呍呢嗱、士多啤梨、焦糖脆餅、曲奇呍呢嗱、藍莓、比利時朱古力同埋芒果紅桑子。而朋友就唔食三隻味所以我就要去頂上啦。原價成個雪糕火鍋要成三百幾蚊，平時都唔捨得食。今次有$100現金卷除翻開每人都要成$100 ，講真唔係咁抵食，而且雪糕球嘅size好細舊，大食既人根本上可以一啖食晒一球。除咗有32球雪糕之外仲有八舊蕨餅同埋四粒棉花糖仲有少少生果同埋果仁碎基本上真係冇咩特別啦。所以如果要比三百幾蚊的話，我會寧願就咁揀食雪糕啦！