茶木‧台式休閒餐廳 (創紀之城五期(apm))

Open Now

Now Closed

又係食台灣嘢，茶木都食過好多次，今日嚟到apm唔知食乜好，求其去咗茶木， 都係為咗佢個蜜糖磚塊，雖然唔係話好好食，但係次次食完都好滿足。 同朋友分別叫咗兩碗香辣牛肉麵（＄７７）， 湯底濃郁，幾重嘅牛味，略嫌少少咸， 份量黎講就唔太多，食一碗都未必夠飽，味道ＯＫ，但畢竟唔係主角。食完牛肉麵之後，當然食番個主角甜品蜜糖磚塊，呢次我哋食：石板街巧克力蜜糖磚塊（＄７８）， 三層厚厚嘅麵包， 中間已經切開一塊塊，每一塊都已經沾滿咗蜜糖，再配上忌廉、雲呢拿雪糕同埋朱古力醬， 可以話甜到入心。每塊麵包點上雪糕忌廉嚟食，好滿足！