Video
Read full review
2021-12-04
51 views
📍木玥巷 - 元朗-聽講呢間餐廳係屯門好出名 長期都有人龍 呢一日咁啱經過見到有位 就入咗去試下 🙌🏻對比起平時食開既同區台灣菜 餐廳定價係朗屏黎講算係幾進取 好多主菜都捱近$100 而且另收加一 但聽講呢間舖頭係由前半島大廚坐陣既 質素應該有保證 -🔸蟹肉金絲炒新竹米粉 ($96)米粉炒得好有鑊氣 而且好乾爽 唔會成到成口油 抵讚👍🏻🤩米粉質地好有咬口 啖啖都食到配料芽菜 瑤柱絲同埋蟹肉絲 好滿足！但略嫌調味偏淡 重口味人士要注意🙌🏻-🔸木玥招牌紅燒牛肉麵 ($96)湯底好香好清甜 飲得出係由好多材料熬製而成 絕對唔係現成死咸嘅湯底配料有兩大塊牛展 一大舊牛筋 紅蘿蔔同白蘿蔔各一舊 全部配料都炆到好冧好入味 尤其是係嗰舊白蘿蔔 炆到好腍而且冇渣 而兩嚿牛展同埋牛筋亦都炆到唔使點咬就喺口入邊化開 而且調味適中 唔會過鹹絕對係近期食過最好食既牛肉麵 👍🏻-🔸台式炸物拼盤 ($48)拼盤包括四季豆 杏鮑菇 鹽酥雞 同埋甜不辣 另外餐廳會跟返一個甜甜地嘅柚子醬 同炸物一齊食絕對有昇華嘅作用佢令到成盤炸物食落一啲都唔油膩 而且當中嘅甜味令人好開胃 令我忍唔住一啖又一啖咁食晒成兜 😣😣-🔸木玥黃
-
聽講呢間餐廳係屯門好出名 長期都有人龍 呢一日咁啱經過見到有位 就入咗去試下 🙌🏻
對比起平時食開既同區台灣菜 餐廳定價係朗屏黎講算係幾進取 好多主菜都捱近$100 而且另收加一
但聽講呢間舖頭係由前半島大廚坐陣既 質素應該有保證
-
🔸蟹肉金絲炒新竹米粉 ($96)
米粉炒得好有鑊氣 而且好乾爽 唔會成到成口油 抵讚👍🏻🤩
米粉質地好有咬口 啖啖都食到配料芽菜 瑤柱絲同埋蟹肉絲 好滿足！
但略嫌調味偏淡 重口味人士要注意🙌🏻
-
🔸木玥招牌紅燒牛肉麵 ($96)
湯底好香好清甜 飲得出係由好多材料熬製而成
絕對唔係現成死咸嘅湯底
配料有兩大塊牛展 一大舊牛筋 紅蘿蔔同白蘿蔔各一舊
全部配料都炆到好冧好入味
尤其是係嗰舊白蘿蔔 炆到好腍而且冇渣
而兩嚿牛展同埋牛筋亦都炆到唔使點咬就喺口入邊化開
而且調味適中 唔會過鹹
絕對係近期食過最好食既牛肉麵 👍🏻
-
🔸台式炸物拼盤 ($48)
拼盤包括四季豆 杏鮑菇 鹽酥雞 同埋甜不辣
另外餐廳會跟返一個甜甜地嘅柚子醬
同炸物一齊食絕對有昇華嘅作用
佢令到成盤炸物食落一啲都唔油膩
而且當中嘅甜味令人好開胃 令我忍唔住一啖又一啖咁食晒成兜 😣😣
-
🔸木玥黃金水果茶 ($38)
呢杯水果茶絕對係今餐嘅性價比之選 個杯有成隻手臂咁長
果茶味道唔會過甜 酸酸mei mei絕對係夏日開胃解渴之選🤩
Post