炑八韓烤 (彩明商場) (Closed)

好耐無食韓燒，今日同朋友係將軍澳，路過彩明商場，見到呢間炑八韓烤，之前成日食，今次見佢地出左新既和牛牛舌勝燒套餐，望落好豐富，而家晚市惠顧燒烤產品仲有八折，正呀！😍呢個套餐包左前菜任加，前菜都有好多款，有沙律、生菜、芽菜、木耳、泡菜、仲有泡菜蛋同芝士粟米，全部質素都唔錯，我地加左好幾次🤣🤣🤣。韓牛前胸肉：質感爽脆，肉味較濃；霜降牛小排：脂肪分佈較多，味道甘香。大八爪魚：八爪魚處理得十分乾淨，經過醃製後更加入味，肉質渾厚，鮮美彈牙有咬口。護心肉：護心肉位於豬的橫隔膜和肝之間，這個部位非常珍貴，因為每隻豬只有200-300g的護心肉。肉質爽滑Q彈，完全唔覺得自己食緊豬肉🥰。和牛牛舌：牛舌產量好少，所以都一樣珍貴。牛舌同牛肉唔同，口感帶點鮮甜、彈牙，柔嫩卻又有脆度，非常吸引。豬梅花肉：肉味豐富、有著迷人的肉香，加上帶筋又有油脂，店員教我地燒熟既豬肉可以用生菜包住，再點上醬汁一齊食！大啡菇：烤熟的大啡菇非常多汁，入口爽脆。飲品$56有兩杯蘇打可以隨意選擇。總結：呢個套餐份量非常多，再加上可以無限加小食，已經等於係一個半自助餐，我同朋友都食到好飽好滿足。炑八韓烤 (彩明商場) (將軍澳)將軍澳健