✨蒜蓉蘑菇西冷牛扒🥩
講緊一個晚市都只係$80內就有西冷牛扒食，小編表示非常滿足！！而且夜晚仲已經包埋餐湯以及熱飲。雖然價錢好平，但係牛扒足足有前臂咁長，超大塊仲要好厚肉，焗薯仔更加用上錫紙，中間加上胡麻醬，正架！
✨蒜香吊燒雞
茶餐廳都有吊燒雞食，仲要係皮脆內嫩，蒜香滿滿！一定要點埋佢個泰式辣醬會更加惹味。想讚一讚呢間小店連碗白飯都特別巨大！！
✨熱百香果蘆薈
天氣轉涼，專登叫咗杯熱飲，百香果清新得來非常暖胃。
✨雪山紅豆冰
極具份量嘅紅豆冰，紅豆蓉綿密清甜，加上海量嘅忌廉，完全係滿足啊。
見到佢而家全日外賣自取都有九折優惠！！！
3
