Video
Read full review
2022-06-29
40 views
📍木玥巷💛 - #YFF元朗 💎【元朗最好味嘅台灣菜⁉️前半島大廚主理台式家常風味】一早已經聽講過呢間餐廳喺屯門好出名，長期都有人龍。呢一日咁啱經過見到朗屏分店有位，就決定入去試試佢。對比起平時食開嘅同區台灣菜，餐廳定價喺元朗區黎講算係幾進取，好多主菜都捱近$100，而且仲另收加一。但聽講呢間舖頭係由前半島大廚坐陣嘅，相信質素絕對有保證！➤ 木玥招牌紅燒牛肉麵 ($98)湯底好香好清甜，帶淡淡藥材味，飲得出係由好多材料熬製而成，絕對唔係現成死咸嘅湯底。配料有兩大塊牛展，一大件牛筋，同埋幾嚿紅蘿蔔同白蘿蔔。全部配料都炆到好冧好入味，尤其是係嗰舊白蘿蔔，炆到好腍而且冇渣；牛展同埋牛筋亦都炆到唔使點咬就可以喺口入邊化開，而且調味適中，唔會過鹹。➤ 香葉蕃茄肉鬆炒飯 ($82)食落好重九層塔味，偏泰式味道多過台式風味🤣 飯底炒得幾乾身，粒粒分明，就算加入咗蕃茄粒呢種咁易出水嘅材料，成個飯食落都唔會好濕～面頭仲配咗隻燶邊蛋，拮開金黃嘅蛋黃，撈勻蛋汁同埋炒飯同食，成件事超香！另外店家仲提供咗半粒青檸，擠啲青檸汁落炒飯到食好開胃☺️☺️➤ 話梅醉雞卷 ($52)醉雞卷聞落好重花雕酒味，估唔到食落一樣超入味
【元朗最好味嘅台灣菜⁉️前半島大廚主理台式家常風味】
一早已經聽講過呢間餐廳喺屯門好出名，長期都有人龍。呢一日咁啱經過見到朗屏分店有位，就決定入去試試佢。對比起平時食開嘅同區台灣菜，餐廳定價喺元朗區黎講算係幾進取，好多主菜都捱近$100，而且仲另收加一。但聽講呢間舖頭係由前半島大廚坐陣嘅，相信質素絕對有保證！
➤ 木玥招牌紅燒牛肉麵 ($98)
湯底好香好清甜，帶淡淡藥材味，飲得出係由好多材料熬製而成，絕對唔係現成死咸嘅湯底。配料有兩大塊牛展，一大件牛筋，同埋幾嚿紅蘿蔔同白蘿蔔。全部配料都炆到好冧好入味，尤其是係嗰舊白蘿蔔，炆到好腍而且冇渣；牛展同埋牛筋亦都炆到唔使點咬就可以喺口入邊化開，而且調味適中，唔會過鹹。
➤ 香葉蕃茄肉鬆炒飯 ($82)
食落好重九層塔味，偏泰式味道多過台式風味🤣 飯底炒得幾乾身，粒粒分明，就算加入咗蕃茄粒呢種咁易出水嘅材料，成個飯食落都唔會好濕～面頭仲配咗隻燶邊蛋，拮開金黃嘅蛋黃，撈勻蛋汁同埋炒飯同食，成件事超香！另外店家仲提供咗半粒青檸，擠啲青檸汁落炒飯到食好開胃☺️☺️
➤ 話梅醉雞卷 ($52)
醉雞卷聞落好重花雕酒味，估唔到食落一樣超入味～ 雞卷肉質嫩滑，每啖都散發出淡淡加入話梅嘅酸甜味道，係一道好清爽嘅涼菜小食，開胃又解暑，夏日必食！
➤ 芒果寒天多多 ($34)
個熊貓杯超得意，加埋頂草帽仔造型超可愛🥰 夏天就係芒果嘅主場，呢杯特飲芒果味幾重，配埋多多味道酸酸甜甜好清新解渴，另外加入咗寒天幾有口感。
➤ 金莎抹茶奶泡 ($34)
呢杯matcha latte走偏甜嘅路線，抹茶味唔算超濃，啱晒我呢啲鐘意抹茶香味但又頂唔順濃苦茶澀味嘅人🤣 另外金莎唔係加喺matcha latte裡面，只係放咗一粒係面頭點綴賣相，不過不得不承認呢個特飲嘅presentation真係幾吸引～
Post
