Video
Read full review
2008-07-08
15 views
響週刊見到介紹, 擒晚放工即刻過黎試下, 佢響鏞記燒鵝斜對面the loop, 唔難搵, 因為有分場, book 左7:00都要8:30 離開上到去, 個地方setting 同週刊見到既差好遠, 幾逼下, 身形龐大既男士都幾頭痕, 三個就最好,可以坐四人枱,寬敞d佢d點食物紙由a數到g, 例如a紙 係刺身, b紙係手卷...等, 其他種類有和食, 沙律, sushi,串燒,天婦羅, 鍋物,鐵板燒, 主食(如烏冬及飯)我地差不多每個種類都order少少試下, 佢要響落單時註明數量(例如刺身幾多片, 串燒幾多串...等)從落單到d野上枱, 大概要10-15 分鐘, 建議各食家最好注意呢點, 間唔中有漏單既情況要再入紙補叫番 －刺身: 分量少到你唔信， 好似我地平時響居酒屋叫一碟四五片既刺身， 響呢度佢可以切出十片八片，（真係驚嘆師傅既刀功） 所以若然兩個人用ｏｒｄｅｒ 兩三片，真係食左都唔覺有放過入口，兼且唔太鮮味，我地叫左幾款試食之後都投降，改為主攻其他熱葷 －串燒: 尚算合格, 不過當我地第二轉番叫串燒鷄軟骨,有overdone既情況, 有d乾 －鍋物:要了日式肥牛鍋, 分量正常d
上到去, 個地方setting 同週刊見到既差好遠, 幾逼下, 身形龐大既男士都幾頭痕, 三個就最好,可以坐四人枱,寬敞d
佢d點食物紙由a數到g, 例如a紙 係刺身, b紙係手卷...等, 其他種類有和食, 沙律, sushi,串燒,天婦羅, 鍋物,鐵板燒, 主食(如烏冬及飯)
我地差不多每個種類都order少少試下, 佢要響落單時註明數量(例如刺身幾多片, 串燒幾多串...等)從落單到d野上枱, 大概要10-15 分鐘, 建議各食家最好注意呢點, 間唔中有漏單既情況要再入紙補叫番
－刺身: 分量少到你唔信， 好似我地平時響居酒屋叫一碟四五片既刺身， 響呢度佢可以切出十片八片，（真係驚嘆師傅既刀功） 所以若然兩個人用ｏｒｄｅｒ 兩三片，真係食左都唔覺有放過入口，兼且唔太鮮味，我地叫左幾款試食之後都投降，改為主攻其他熱葷
－串燒: 尚算合格, 不過當我地第二轉番叫串燒鷄軟骨,有overdone既情況, 有d乾
－鍋物:要了日式肥牛鍋, 分量正常d, 係和民果種日式好tiny既小鍋, 兩個人share幾好, 個湯汁係日式豉油果種甜甜地既 (我幾like但朋友就覺得甜得滯), 入面既肥牛好足料, 除左肥牛,仲有兩小片鮑魚草菇, 一舊豆腐, 一些金菇, 蘿蔔同菜, 仲有d好似韓國粉絲粗身透明既面條, 呢個鍋係我全餐飯既至愛,
－壽司:極度唔掂, 飯同塊魚生都唔得,不吃也罷
－鐵板燒:牛肉同牛仔骨都好正, 千祈唔好叫鷄亦, 好難食
－天婦羅同吉烈野: 都係值得推介, 係即炸即上枱, 唔會油淋淋, 最好趁熱食
呢度話晒係中環, $158 +10% 可任飲(汽水)任食, 若然行開呢頭, 純為食野而來,都算唔錯, 若想主攻刺身, 都係prefer "外野手", 不過"外野手"既坐位比較無私隱, 好似搭枱咁
有機會都會再返黎食
Post