所以就無得叫果個象拔蚌套餐
咁就叫左個刺身火鍋二人套餐
刺身就包6款 但今期廚房話無咁多款 就每款份量加番多少少咁
最後就有廣島蠔/帶子/三文魚腩/甜蝦/牡丹蝦
咁我之前都有食過,上次就有埋海膽 今次就真係唔好彩...
個人就覺得各款都好好食 夠鮮 夠甜 唔鍾意食蠔既朋友都會覺得隻蠔真係好好食
佢上生蠔時,都會準備埋檸檬同辣汁比客人 等我地可以自由加減風味
上完刺身無耐, 就上埋個辣雞煲
睇落紅卜卜 , 但絕對唔係死辣 辣而麻,麻而香 超級好食
雞亦都好嫩滑
另外火鍋料就有M4牛同黑豚肉, 不過我地就揀要哂黑豚肉
蔬果籃就有蟲草花,黑木耳,雞脾菇同生菜 另外就仲有兩個烏冬
火鍋料不過不失
但成個套餐最好食就絕對係一開始既刺身 但之後上既雞煲
到最後甜品就有一件小蕨餅 但個人就覺我一般般
如果食火鍋既話 佢都有豉油調味盤比你自己溝
有生蒜,辣椒,蔥,麻油,麻醬等等 太多都唔記得仲有咩
