緻 (Closed)

見好多人讚呢間食肆，又近屋企，所以book咗枱撐吓枱腳。晚餐叫咗個二人前餐$278(每位)，諗住樣樣都試吓，費事逐樣揀。剌身好差，油甘魚好薄身完全無味，吞拿魚肉質「梅梅」哋唔新鮮，同員工反映完無任何跟進; 串燒亦好普通，絕對唔會encore; 連主食M7和牛小牛柳都非常唔新鮮，失望之餘，食完返屋企仲痾咗幾次！埋單$651，食物唔得，茶係凍㗎，環境亦好一般，無乜服務可言，感覺貼錢買難受，真心唔明點解有咁多好評？？？！