爆辣冷麵

Open Now

Now Closed

成個星期睇精彩奧運睇得好興奮緊張，於是身為愛辣之人既我，星期五來到呢間爆辣冷麵再尋求刺激。有不同辣度選擇，由蚊仔辣同爆爆爆，聽聞小辣都幾勁，於是先來挑戰小辣，食落呢包冷麵真係好辣，店舖自家製辣椒真的唔惹小。爆辣冷麵:有紫菜絲同好多蟹籽鋪面，聽聞老細好鐘意食蟹籽、冷麵同辣先開呢間店，呢個配搭食落果真夠過癮，童年回憶返晒黎。賽螃蟹杯麵:呢個杯麵滿到爆晒，先有蟹籽、西蘭花，蛋白花似賽螃蟹咁鮮味，再有粟米冷麵打底。爆辣雞軟骨:雞軟骨微辣帶脆口，幼身青瓜絲在底，清爽有咬口感。爆辣炒飯: 同樣有好多蟹籽係表面，裙帶邊、螺肉、粟米、腸仔，炒得粒粒分明，配料香辣而帶有咬口。蟹子沙律:帶子裙邊鮮甜咬口， 配蟹柳蟹子， 沙律醬拌青瓜海帶粟米，清爽健康！自家製的爆辣油生蒜$25樽：可以係屋企用來炒煮菜式都得，增添惹味。