1
1
你可能會以為這是"做媒"的食評, 但我可以肯定的告訴你, 不是做媒, 是認真的為這家士多作出推介, 因為好佩服士多老闆的誠意同食物質素!! 係依家的時勢仲見到有心人做生意不會賺到盡, 真係好感動, 所以好想推介一下!!
先講下點解會去東龍島, 因為東龍島既風景相當的優美, 可以行山同露營, 每逢週末都好多人帶埋狗狗去依到玩。 我就去行山, 係油塘坐半個鐘船就去到, 好方便。
落船之後向炮台方向行10分鐘多D, 就會見到新創意士多同假日士多,係同一位置的。
再解說一下新創意士多有咩咁值得推介:
1. 佢係望住個海的, 可以係士多直接行落個沙灘到, 個景一流!! 我地食住燒賣, 飲住汽水睇黃昏, 一絕!!!
2. 得依家士多係比較有佈置, 士多雖然唔大, 但係點主好比心機用d靚靚的花布鋪枱, 又整0左個廁所俾人用, 好方便同乾淨.
3. 依到d食物, 真係好不錯的. 我地兩個人叫0左雞翼、燒賣同魚旦, 每樣都好好食, 尤其係個煎雞翼, 好juicy!!!
4. 我地食得好滿足時, 剛好有客人點了一份回鍋肉公仔麵, 如果我無記錯, 應該係25蚊左右, 但係, 店主俾0左一整罐新開的回鍋肉做材料, 我見到都呆0左, 依家邊有人會咁大方架?! 忍唔住, 去影0左張相, 有圖有真相!
雖然依到並唔係提供d咩好特別好特別的食物, 但係食物的質素係好不錯, 加上環境同人情味, 我會極力推介大家去光顧這家小店, 食下野, 欣賞下自然景色, 同店主吹下水, 心情會好開朗的
祝大家馬上開心 ^o^
