家後

Open Now

Now Closed

上次阿妹嚟呢間食過話覺得幾好食所以打波之前就去咗呢間店試下喇 其實每次黎基隆街買布嘅時候都經過好多次 佢嘅裝潢感覺似一間舊冰廳大大個雪櫃擺門口果啲呢 店舖唔算大 兩個樓面一腳踢非常之忙碌 但係老闆都依然親切 無誇張 真係有一種去佢屋企作客嘅感覺 佢彷彿同每枱客都好熟絡咁呢度主要係食餃子但有趣嘅係你會聽到每一枱都同老闆講叫佢要留芝士蛋糕我地最後叫咗個煎餃係韭菜豬肉拼雲耳椰菜豬肉， 跟個套餐係是日飯糰小食就叫咗個麻辣雞翼同埋雞腎再叫多三餸個車仔麵 咸檸七個煎餃子煎得好靚個底金黃色 脆得黎又唔會太硬 雲耳椰菜豬肉餃比較出色 juicy感覺又健康是日飯糰入邊用左菇同日式漬物一齊mix埋 有少少汁唔太乾 用日本米所以煙韌有咬口 三餸車仔麵個豬手炆得好入味 豬紅都好煙韌 最特別嘅地方係佢可以揀上海幼麵做麵底 唔洗成日食黎食去都係油麵米粉 重點係佢枱面仲有一大樽辣菜甫任加！美味度up！由於太飽嘅關係 下次一定要再黎試埋佢嘅芝士蛋糕！