Passione (利東街)

Open Now

Now Closed

約左家姐去灣仔二人世界 之前係葵芳已經食過呢間餐廳既沙律 覺得好味 知道佢地係灣仔利東街開左新店 即刻要去食。果然係旗艦店 兩層 有室外室內座位 一入去已經見到好多不同種類的食物 琳琅滿目 花多眼亂。樓上樓下賣既食物有點不同 地下主要是甜品 意大利雪糕 沙律 面包 三文治 輕食為主。上層是薄餅 意粉 法式小鍋。先點了一份細的沙律 可以揀三款。紅菜頭蜜柑沙律 蜜柑超好食 香甜柑味 紅菜頭好爽口 因為加了蜜糖既關係 少了紅菜頭平常既青草味 比較容易接受 連一向唔鐘意食既家姐都食左少少。雞肉貝殼粉沙律 貝殼粉處理得幾好 唔會過熟 雞肉亦算嫩滑 除了expect的沙律醬之外 仲帶上微微的辣同埋濃郁香草味。推介👍🏻 蕃茄水牛芝士沙律 蕃茄帶有少少醋味 幾清新 水牛芝士味幾濃 QQ的口感。總括而言 三個沙律都好好味。布里芝士玉米薄餅（*灣仔旗艦店獨有）大大片brie cheese 好鐘意呀。芝士愛好者一定要揀呢個薄餅 加上洋蔥既香味 餅底好薄好香脆 唔會太飽 女士岩曬。甜品* 紅莓餅 紅莓味道好香 好鐘意蛋糕上面落雪般的紅莓粒粒 焗乾了的紅莓 好脆口。蛋糕好像千層咁 有三種口感 最鐘意是紅莓忌廉個