DJAPA (Closed)

行街見到呢間餐廳d裝修幾特別，所以就比佢吸引左入黎。個餐牌可以單叫同埋有唔同既組合套餐，我地爲左試唔同既野就叫左A+B+C, D+E+F。店内有好多偏日系既動漫人物同公仔Mango Mimosa -  見到個Bar Table都幾靚，所以叫左杯cocktail飲下。無論賣相同味道都係極度普通既一杯cocktail，不建議叫。Veggie Tamagoyaki - 蔬菜爲主，蘿蔔青瓜+蛋，形狀有d似玉子燒，味道清清地，應該幾適合素食既人士。Shiso & Golden Berries Salad - 一開頭以爲上錯菜，見到menu材料下面寫mushroom & wonton， 結果成碟得一舊切左片既菇，食完都唔知邊度有雲吞。但整體個沙律都唔差既，都係清淡為主。Smoked  Pork Belly - 呢個出乎意料地好食，煙熏得好好，外面香脆得黎，入面又夠腍。Grained Stuffed Chillies - 味道略咸，但整體都唔差。鍾意食ham&cheese都可以叫下既。總括而言，環境真係一流，而食物就正正常常，無話特別驚喜。不過份量有d細，預左食唔飽，又或者要叫多少少，性價比不太高。