利星火鍋海鮮小炒

Open Now

Now Closed

聽朋友講呢間好食，於是一行5人聚舊就揀呢間試下，果然無介紹錯，堅好食！因為預先經open rice訂枱，所以有一客魚腸小食送，其實份量都幾大，唔算係小食。我就麻麻地魚腸，但朋友都好鐘意食。我地叫左三蔥炒龍蝦配糯米飯，雜錦大盤花菜，黃金棒棒蝦，羊腩煲。餐廳話啱啱返左啲新鮮海蝦，$88@，成隻手掌咁大，唔係成日有，我地即刻話要每人一隻試下，的確又大隻又新鮮，超好食！極力推介！大盆花菜份量十足，味道不錯。龍蝦配糯米飯，羊腩煲都好食，份量多，都好有水準。每人$300，又有海鮮，又有羊腩食，仲飲埋啤酒，價錢都合理。見餐牌都有好多其他野食，好吸引，下次要搵一大班人再食過。