PUTIEN (Gateway Arcade)

食物味道: 呢間店子嘅菜式別樹一格，部份菜式採用嘅食材亦都與眾不同，呢個季節嘅主打係海蠣，甚有特色，香港好難搵到相類似嘅店子，莆田每道菜都睇得出用心製作，不過味道始終有啲瑕疵，

食物份量: 每道菜即使係例牌，亦份量十足，唔會又貴又細，值得一讚

價錢: 合理價錢，物有所值

環境: 新裝修簡潔典雅，枱與枱之間寬敞，非常舒服

服務: 殷勤有禮，不過客人多嘅時候，由於人手不足，服務員顯得有啲匆忙

回頭指數(10分滿分): 10分

跟潮洲嘅反沙芋條類似，酥炒芋芯應該係用糖造成一個「拔絲」嘅脆面，用香蔥和洋蔥爆香，喜歡食反沙芋條，一定要試。

$98

九層塔香味撲鼻，加上蒜片、紅蔥頭及紫洋蔥，海蠣撲上粉炸脆，不過海蠣鮮味稍嫌不足。

$119

1

湯底加入了芋頭，跳跳魚樣子醜陋，有些女士可能唔敢食，魚有些少腥味，骨多但幼，不過好容易起出兩邊嘅肉出嚟食，魚肉質地及味道有些少似泥鯭，值得一讚係個湯底鮮味濃。

$138

好濃嘅糟香味，不過味道清淡，雞肉比較老，扣晒分，不試也罷。

$98

份量的骰，伴上辣醬，辣醬微辣香口，入口即刻溶化，作為前菜頗醒胃。

$68

黃花魚出名多骨和容易散開，不過呢度製作非常用心，將骨同魚肉分開再上碟，魚肉亦能夠齊邊切開一段一段，食嘅時候啖啖肉，魚骨炸脆可入口，鹹香味十足，一定要試。

$88