Video
Read full review
2017-01-29
264 views
終於都等到凍啲嘅天氣, 就約埋啲朋友去試下呢間新開嘅火鍋店喇。見到有人介紹呢個火鍋店嘅湯底係用燉湯的, 都幾特別, 啱哂冬天食呀。餐廳位於繁榮嘅銅鑼灣, 都幾方便, 喺Sogo後面。成棟大廈都有好多餐廳食肆, 有雞煲, 韓國菜等等, 選擇都幾都多。餐廳唔算好太, 另一邊係卡位, 仲有一間房仔, 後面仲有一張圓枱。座位同座位之間完全唔逼, 同朋友傾計都幾好, 唔會覺得嘈。餐具幾靚, 日式feel, 而且我鍾意個放湯勺嘅架, 直立甘放唔會霸住啲位, 如果火鍋料多時, 就唔洗驚冇位放。好窩心嘅設計。是日海鮮精選, 好想食蟶子王同花甲, 可惜朋友唔好海鮮, 無緣食喇。見到隔離枱食刺身, 都幾正甘。餐廳有做優惠, 喺facebook打卡即送三文魚刺身, 都肥美同厚切。火鍋料同湯底選擇都多, 仲有唔同嘅刺身同小食可以選擇, 令人可以打邊爐之餘又可以食到刺身。點好火鍋後, 店員拎呢個九宮格醬料兜黎俾我地混醬, 醬料$15一位。叫左惹味嘅胡椒白果豬肚湯, 奶白色嘅湯底, 証明左係煲左一段時間嘅豬骨湯。店員建議我地可以飲左湯先打邊爐。豬肚湯飲落有淡淡胡椒味, 咸味啱啱好, 好似媽媽煲嘅湯甘。湯底仲有唔少
餐廳位於繁榮嘅銅鑼灣, 都幾方便, 喺Sogo後面。成棟大廈都有好多餐廳食肆, 有雞煲, 韓國菜等等, 選擇都幾都多。
餐廳唔算好太, 另一邊係卡位, 仲有一間房仔, 後面仲有一張圓枱。座位同座位之間完全唔逼, 同朋友傾計都幾好, 唔會覺得嘈。
餐具幾靚, 日式feel, 而且我鍾意個放湯勺嘅架, 直立甘放唔會霸住啲位, 如果火鍋料多時, 就唔洗驚冇位放。好窩心嘅設計。
是日海鮮精選, 好想食蟶子王同花甲, 可惜朋友唔好海鮮, 無緣食喇。見到隔離枱食刺身, 都幾正甘。
餐廳有做優惠, 喺facebook打卡即送三文魚刺身, 都肥美同厚切。
火鍋料同湯底選擇都多, 仲有唔同嘅刺身同小食可以選擇, 令人可以打邊爐之餘又可以食到刺身。
點好火鍋後, 店員拎呢個九宮格醬料兜黎俾我地混醬, 醬料$15一位。
叫左惹味嘅胡椒白果豬肚湯, 奶白色嘅湯底, 証明左係煲左一段時間嘅豬骨湯。店員建議我地可以飲左湯先打邊爐。豬肚湯飲落有淡淡胡椒味, 咸味啱啱好, 好似媽媽煲嘅湯甘。湯底仲有唔少豬肚同豬骨。食左豬骨, 啲肉淋同幾好味。
特式三色丸: 有咸蛋豬肉丸, 蝦丸同咸牛肉牛丸。手打丸都幾有創意, 味道都唔錯, 蝦丸好特別, 痴左櫻花蝦喺外面, 食落增加蝦味同口感。雲吞王: 呢個好好味。唔同平時嘅雲吞豬肉偏多, 佢有2隻大蝦同少少韭黃, 好似冇豬肉喺入面。蝦彈牙同新鮮, 唔霉, 值得一試。
手切安格斯牛肉(細份): 份量唔算細, 肥瘦適中, 唔靭, 烚幾下已經得, 肉味都ok。
即炸響鈴: 呢個必點。拎上枱已經feel到佢嘅熱, 真即炸。就甘食左一件, 好好味, 如果配埋甜酸醬就仲好味。打邊爐食, 仲一流, 索啲啲湯底。正呀!!! 細味之下, 原來老闆自己去深水埗好出名嗰間老字號拎貨自己炸!! 好有心呀。
自家竹蔗芧根: 料足, 但少少偏甜, 下火。店員服務好好, 佢地會間中幫忙隔油同"畢"啲泡, 好體心啲服務, 而且佢地會自動加湯, 抵讚。
Post
