神石燒牛扒水產專門店 (新達廣場) (Closed)

當晚和家人去了新達廣場開咗都一段時間的神石燒，當時（大約1個月前用）Open Rice online book 有discount。我放工後真接到餐廳 ，家人已經幫我點了一份雞扒，他們叫了一份二人餐，另外加了一些海鮮。非常肚餓之故，一到餐廳立即去拎湯同沙律，呢兩樣係任食的。沙律有薯仔沙律和生椰菜，湯有兩款，麵豉湯和泡菜湯，水準正常，任食的食物冇太多要求。等咗都成二三個字先上雞扒，之後再上理其他肉…可能人多，廚房做唔切所以出菜較慢。係檯上面的架放了一些調味料，放便客人自己邊燒邊調味。塊雞扒正常大小，冇乜點調味…我都係鐘意食港式鐵板，肉調咗味。呢啲要自己煮嘅，得閒玩吓仲可以嘅～牛肉都新鮮，都係冇乜調味，呢晚覺得仲好食係燒蝦，好新鮮，蝦又夠大隻多汁。