潮州鹵漢大飯店 (Closed)

打邊爐就食得多啦，中式日式台式都食過數唔到咁多次，潮式就真係好少見😮 同普通打邊爐一樣都係120分鐘任飲任食，但潮式嘅意思就係因為佢湯底用招牌潮式滷水，而且有潮汕汁醃海鮮做小食，包你食到捧住個肚走😌潮汕汁醃海鮮有7小碟咁多，分別有三文魚片，花甲，蟶子仔，蝦，膏蟹，墨魚仔，同海鮮雜薈🦐🦑🐟 味道微酸帶少少辣味，作為餐前小食十分之開胃😋 其中我最鍾意花甲同膏蟹，花甲新鮮無沙，膏蟹雖然細隻但爆哂膏🦀至於打邊爐配料方面，出面有凍櫃任食丸類蔬菜粉麵，其他嘢例如海鮮，肉類，餃子等等，都可以用QR code落單，非常之方便👍🏼 我哋食嘅係B餐，肉類包括左和牛，安格斯牛小排，特級封門柳等等，牛肉薄切淥幾秒食得，油脂分布平均，用滷水汁黎淥加添一份潮洲風味😘自助吧出面亦都有其他熱盤小食任食任拎，我去嗰日有d燒味，潮洲滷味，蒜蓉蒸蠔同扇貝，咕嚕肉，麻辣滷水等，真係花多眼亂樣樣都想食啲🤣 熱食來講我最鍾意嘅係麻辣滷水豬手，豬手真係炆到超級淋同埋超級入味，啲膠質出晒黎入口滑捋捋，骨膠原爆燈😎埋單時發現原來餐廳而家做緊優惠，A/B/C/D嘅火鍋套餐都有2人同行1人半價，或4人同行1人免費嘅優惠，有效期做到9月30