美心MX (Closed)

今日孤身一人到柴灣工作, lunch諗唔到附近有咩好食, 見到美心MX呢排賣左好多廣告嘅"很大唷!焗豬扒飯"大大個牌擺係門口, 吸引左我入去試試係咪真係咁大。🙈柴灣新翠呢間美心MX唔算好大間, Lunch繁忙時間人都頗多, 不過我一個人食搵位都唔難。很大唷!焗豬扒飯午市賣$41, 價錢正常, 配料都多, 感覺上磨菇比例比其他快餐多, 番茄份量同酸度都ok, 不過青豆焗到好乾。豬扒都幾厚身, 唔算好juicy, 但係都唔硬。另外我點左美心MX推介的冰桶奶茶, 味道正常, 茶味都夠濃, 用冰桶上飲到的奶茶份量比平時多。