初見

Open Now

Now Closed

初見，一個在openrice上找到而又好特別的名字，碰巧相約女友到荃灣食晚飯，就初會一下這間餐廳。出發前做了點搜集，知道這間日式餐廳主打石燒和鍋物，特別係外表綠色非常吸引的初見石燒香草吉列牛肉，一坐下就先叫了一份，加多$35轉套餐仲可以享有厚厚的三文魚，味噌湯和花茶/果茶。另外，見什錦海鮮什菜龍蝦湯鍋物的湯底幾吸引，又有推薦的符號係菜單上，於是又點了一份並轉了套餐。兩個套餐份量十足，基本上整張檯就俾霸佔了，而石燒可以自己落手落腳去燒，控制牛肉的生熟程度，非常好玩。而且吉列牛肉的口感好好又有香草味非常好食。至於鍋物的龍蝦湯底非常濃郁，鮮蝦和其他海鮮配料又多又好彈牙，整體都幾好食。成晚食到好飽都只係$270幾蚊，真心覺得好抵食。初次遇上就好喜歡這間餐廳啦。