壹茶 (Closed)

同朋友係朗豪坊食完壽司，飽到嘔之際選擇去旺中兜個圈，順便消化下。食野個陣已經想叫杯野飲下，可惜梳打售罄哂。而旺中一直都有唔少飲品同小食，就諗住係到買杯野飲。見到呢間之前朋友都幫襯過嘅壹茶，叫左杯檸檬益力多（凍），20蚊一杯，中杯size。由於自己好鍾意飲乳酸個類飲品，所以一見到就忍唔住叫呢杯。見到店員即場壓碎檸檬片，飲落酸酸地，但唔會酸到有苦澀感。其實都幾開胃，飲完唔會好滯，一路飲會有機會飲到檸檬楂，哈哈。整體而言，服務同飲品質素都唔錯。價錢唔太貴，又唔使等太耐，約5分鐘就有野飲，可以再試。