潮州鹵漢大飯店 (Closed)

餐廳位於旺角瓊華中心，主打潮式火鍋任食放題，更有滷水口味嘅火鍋湯底！就咁睇個menu就已經有多過60種配料，出邊仲有個自取區放咗各式各樣嘅熱盤小炒、特色小食、甜品同飲品，包你食到捧住個肚走😛 裝潢方面以紅色為主調，滿滿嘅中國風好有feel呀，加上座位寬敞舒適，係一班人過嚟聚一聚嘅好地方🥰120分鐘任食海鮮火鍋牛肉放題有四個選擇，B餐包括海鮮拼盤（蟹、鮑魚、帶子、蝦、蟶子、花蛤）火鍋料理同自助區，同時更可以scan QR code 落單，不得不讚上枱速度勁快而且冇漏單，果然有質素💞聽聞熟食區會不定時更換菜單，今次係黑椒炒牛肚、滷水五花腩、蒜茸粉絲蒸蠔、咖喱燴牛筋、辣酒東風螺、滷水浸鵝件、蒸魚、胡椒鹹菜豬肚湯、黃油鹽焗雞同椒鹽三文魚～ 全部都具有潮州嘅特色，會話食物質素甚高👍🏻食勻晒後私心推介普寧豆腐、蒜茸粉絲蒸蠔、香芋地瓜丸、豬肉春捲、沙茶牛肉片牛板腱、炸魚皮、薑汁黑糖芋圓同鹵漢自家製涼粉🤣 另外最開心嘅係竟然有hoegaarden同大阪牛乳雪糕任飲任食呀，見大家係咁出去攞所以自己都唔輸蝕🫣 整體食物款式眾多而且價錢都合理，會encore！