Video
Read full review
2020-08-12
855 views
疫情期間，相信大家出去外邊食嘢嘅意欲都會大大減少。但係唔代表大家要食得頹，今次係屋企附近商場嘅Odelice，係一間開咗喺香港幾年嘅法式西餐廳。除咗灣仔同尖沙咀有分店之外，最近呢一年仲開咗嚟將軍澳popcorn! 試過一次堂食，質素比想像中好得多，夠哂抵食。今日見午餐想休息一下唔想煮，就試吓佢嘅外賣，出乎意外地質素都幾好。其實堂食都有好多人幫襯！如果叫外賣嘅話，午市套餐做緊八折優惠！（如果唔啱食都唔緊要，單點嘅食物仲有七折嘅優惠）住附近嘅朋友，又可以慳返一筆！午市套餐選擇都有幾多，除咗沙律之外仲有意粉同埋其他法式薄餅。午市套餐包埋有沙律或者餐湯。因為今日係新鮮炮製嘅粟米湯，我就揀咗餐湯。湯入邊仲有粒粒嘅粟米，好香濃。而飲品需要另外加$10 ，因為屋企有咖啡機，所以今次就冇特別叫餐飲。灸燒吞拿魚配尼斯沙律吞拿魚燒到外面熟，裏面仍然保持紅色，食落去口感非常特別。配以清新嘅柚子醋汁，加上雞蛋、車厘茄等等，以及卡拉馬塔橄欖一種咁特別嘅食材，食落去咸咸酸酸，好有法國風味。仲有sour dough 麵包，絕對會夠食！夏日炎炎唔想食飯嘅，呢一個都係一個好選擇。香煎帶子闊條麵配上蕃茄以及意大利小黃瓜，
除咗灣仔同尖沙咀有分店之外，最近呢一年仲開咗嚟將軍澳popcorn! 試過一次堂食，質素比想像中好得多，夠哂抵食。今日見午餐想休息一下唔想煮，就試吓佢嘅外賣，出乎意外地質素都幾好。其實堂食都有好多人幫襯！
如果叫外賣嘅話，午市套餐做緊八折優惠！（如果唔啱食都唔緊要，單點嘅食物仲有七折嘅優惠）住附近嘅朋友，又可以慳返一筆！
午市套餐選擇都有幾多，除咗沙律之外仲有意粉同埋其他法式薄餅。
午市套餐包埋有沙律或者餐湯。因為今日係新鮮炮製嘅粟米湯，我就揀咗餐湯。湯入邊仲有粒粒嘅粟米，好香濃。而飲品需要另外加$10 ，因為屋企有咖啡機，所以今次就冇特別叫餐飲。
灸燒吞拿魚配尼斯沙律
吞拿魚燒到外面熟，裏面仍然保持紅色，食落去口感非常特別。配以清新嘅柚子醋汁，加上雞蛋、車厘茄等等，以及卡拉馬塔橄欖一種咁特別嘅食材，食落去咸咸酸酸，好有法國風味。仲有sour dough 麵包，絕對會夠食！夏日炎炎唔想食飯嘅，呢一個都係一個好選擇。
香煎帶子闊條麵配上蕃茄以及意大利小黃瓜，口感特別清新。而且帶子有四粒，唔使爭。煎香左嫩滑可口，每一條意粉都好掛汁。而且份量都幾多，同屋企人分享啱啱好。因為個盒有少少污糟咗，所以返到屋企即刻放入碟度食。
經典牛肉漢堡配薯條
牛肉厚身，煎香左仍然保留好juicy的感覺。一啲都唔乾身。配上紫洋蔥、生菜、蕃茄等等嘅材料，食落去都好健康。薯條拎到返屋企之後，雖然已經淋左少少，但係調味得好夠。食落依然好惹味！
另外欣賞小店係用紙盒嘅方式，相對地比較環保。不過都係呼籲大家叫外賣的同時，大家不妨可以走餐具，可以享受美食嘅同時又可以為環保出一分力。
Post
