雖然我係香港人，但今次都係第一次黎（明明成日都喺沙田出沒😂），餐館保留住50-60年代風格，牆上掛滿左當年邵氏影星既海報，適逢李小龍逝世五十週年，更設有李小龍「龍影再現」圖片展覽，大家不妨黎觀賞一下，向依位巨星致敬🫡
馳名中外的「紅燒脆皮乳鴿」$98
基本上每一枱都會點，分別在於幾多隻🤣一口咬下，香脆鴿皮下夾住鴿油同鴿肉，不用沾任何調味都已經非常好食！真正的皮脆肉嫩✨
新鮮菠蘿咕嚕肉$168
菜單介紹係李小龍太太最喜愛菜式，還指定用剛熟新鮮菠蘿🍍，菠蘿真係好清甜，而咕嚕肉肥瘦平均，甜酸汁有別於其他地方，甜酸味都比較平和！不錯的✨
如意竹笙上素$148
菜單介紹這個係傳統菜式，係陳寶珠同蕭芳芳最喜愛菜式❤️雖然有好多地方都這款素食，但喺龍華酒店食的這個味道真的有點懷舊，比較清淡，少了那份酒樓的咸味，反而顯得很舒服！
馳名沙田雞粥$98（2-3人）
好耐無食過雞粥，以前通常在火炭食，但環境比較不理想所以就無再去了！事隔多年，又可以又嚐雞粥味道👅
總結：值得一去的地方，原來仲有孔雀🦚架，不過夜晚影唔到怕嚇親佢，中午有點心供應，下次可以黎試下飲茶再睇下孔雀🦚！
* 設有加一服務費
