Video
Read full review
2018-03-10
99 views
因為多數都主力吃西餐, 日本菜, 雞煲同打邊爐, 平時真係好少食東南亞或者越南野, 所以今晚約左好朋友黎尖沙咀呢間河內大娘食返餐正宗越南菜. 河內大娘越南餐廳 (Madame Hanoi Vietnamese Restaurant) 喺尖東P3出口, 一出站就見到大大個白底綠字河內大娘越南餐廳, 所以容易見到, 而且附近又有好多巴士站, 非常方便.餐廳唔算好大, 雖然冇華麗嘅裝修, 冇寬敞嘅空間, 但係佢充滿越南風味, 店鋪入面咗滿滿嘅越南擺設, 竹帽子串成嘅裝飾同禾稈草組成嘅屋頂, 再配上佢啲燈光同有越南味道嘅背景音樂. 同三五知己一齊喺度食飯吹水係一個唔錯嘅選擇.燒豬頸肉青木瓜沙律: 大量青木瓜絲夾雜住青瓜絲同蘿蔔絲, 口味清新. 食之前要將沙律同碟底嘅甜酸汁撈一撈, 咁樣一齊先好食. 另外佢嘅豬頸肉令我喜出望外, 燒得啱啱好, 夠香脆又保存到肉汁蒜蓉蝦: 真係好大隻,好新鮮, d肉又彈牙, 佢嘅底料已經唔錯, 而且外層用蒜炸香過, 好香口香,好惹味. 真係一個無敵嘅組合.香茅燒魚: 龍躉仔用錫紙包鹽燒熟, 再原條上枱. 切開入面見佢塞滿咗好多香茅, 蔥, 香葉等等嘅香料,淡淡嘅香
餐廳唔算好大, 雖然冇華麗嘅裝修, 冇寬敞嘅空間, 但係佢充滿越南風味, 店鋪入面咗滿滿嘅越南擺設, 竹帽子串成嘅裝飾同禾稈草組成嘅屋頂, 再配上佢啲燈光同有越南味道嘅背景音樂. 同三五知己一齊喺度食飯吹水係一個唔錯嘅選擇.
燒豬頸肉青木瓜沙律: 大量青木瓜絲夾雜住青瓜絲同蘿蔔絲, 口味清新. 食之前要將沙律同碟底嘅甜酸汁撈一撈, 咁樣一齊先好食. 另外佢嘅豬頸肉令我喜出望外, 燒得啱啱好, 夠香脆又保存到肉汁
蒜蓉蝦: 真係好大隻,好新鮮, d肉又彈牙, 佢嘅底料已經唔錯, 而且外層用蒜炸香過, 好香口香,好惹味. 真係一個無敵嘅組合.
香茅燒魚: 龍躉仔用錫紙包鹽燒熟, 再原條上枱. 切開入面見佢塞滿咗好多香茅, 蔥, 香葉等等嘅香料,淡淡嘅香葉由魚肉入面滲出嚟, 提升佢嘅鮮味. 另外佢有自製既酸辣汁, 令到魚肉更惹味更香.
皇牌火車頭: 呢碗火車頭真係好大碗, 份量完成足夠幾個人食, 而且配料超多, 好似生牛肉, 牛𦟌, 牛丸 , 牛柏葉, 牛根等等, 每樣材料都好入味, 加埋青檸同辣椒之後味道會更香. 另外佢嘅湯底夠熱, 而且牛味香濃, 原來係用咗十隻雞及幾十斤牛骨豬骨餚制的, 每次餚制6個鐘, 不濃不咸又香甜. 河粉口感好好, 蘿蔔好甜好入味, 冇渣! 牛係用安格斯牛肉, 肉味勁濃郁, 而且好嫩滑, 入口即溶,讚! 牛腩同牛根腩炆到入味. 牛栢頁爽口彈牙, 牛丸好彈牙.
新鮮菠蘿冰: 佢哋用炒過既菠蘿整成冰, 菠蘿味甜度適中, 好好味, 好開胃作用
珍多冰: 底層放大量綠豆, 中層放綠色啫喱粒粒同班蘭涼粉, 再加入椰奶, 唔會太甜. 當你用飲筒一口吸入綠豆同椰奶, 有一種消熱解暑嘅感覺.
店長好nice好親切, 特別暖心, 不錯去, 當晚真係過了一個非常開心嘅夜晚.
Post
