次次經過厚福街的時候都會被這餐廳的裝修吸引住，因為餐廳用上tiffany blue同埋英倫風格的裝潢，份外少女風。
今晚同朋友預訂好坐位入內進餐。
看過餐牌後，點了前菜、主食及甜品各一。
蜜瓜黑毛豬($198)，第一次不是哈蜜瓜食風乾火腿，蜜瓜很清甜，黑毛豬也不算好咸，兩者配埋一齊食也不會覺得好咸，感覺清甜清新!
啤酒海鮮火鍋($368)，這個火鍋可以選擇蕃茄湯或者辣湯，因為第一次食啤酒火鍋，所以揀選蕃茄湯試下。這個火鍋的海鮮包括蜆、螺肉、虎蝦、蟹鉗及帶子。火鍋湯以小水煲盛著，我們就是用這個水煲打邊爐，非常特別。而且店員還給予我們小杯子，表示當所有海鮮食完後，可倒湯入小杯子內飲用，海鮮的鮮甜會落哂湯入面。先說說海鮮，虎蝦食得出是新鮮的，唔會「梅」左，食落彈牙!因湯底本身有蕃茄味，所以海鮮食落會有少少的蕃茄酸味，而且附有蛋黃醬、沙拉油及生蒜蓉的醬料，點埋一齊食更加惹味。湯底去到最後飲果陣，除了有啤酒的麥味，還有蕃茄及海鮮的鮮甜味!這個菜非常特別。
鮮雜果莫希托($78)，這款飲品唔會好甜，內裡有很多不同的生果，如蘋果、士多啤梨、藍莓等，還有薄荷，所以感覺很fresh!
什果麻糬窩夫($138)，這款窩夫特別之處是內裡有麻糬，食落煙煙韌韌，而且窩夫脆卜卜，配上水果、蜜糖或是雪糕一齊食，口感豐富。
總括黎講，餐廳裝修漂亮，而且食物款式創新，有機會要再來試試其他款式!
