沖繩菜對我黎講好有新鮮感，因為未去過，而係旅遊節目中最有印象既沖繩野食就係低卡路里既海葡萄，眼見門口有個水箱養住好多海葡萄正呼叫我來！
好喇...坐低睇menu喇。識食既，一定order定食套餐，可一次過品嘗各式食物，價錢又好合理！
海葡萄沙拉- 終於知佢係咩料子啦，食落去清爽，散發海味既芳香，沙拉有少少wasabi味，不會刺激鼻子！
壽喜燒清湯手延麵- 麵條好滑，清清地幾好味。
水雲沙律醋 – 唔肯定水雲係咩，似粉絲、髮菜一絲絲，酸酸甜甜好清新開胃。
苦瓜奄到- 表面似燒餅有少許紫菜沙拉醬，而苦瓜我覺得有少少硬同苦，內存蛋汁幾香，都ok既。
紫芋年糕炸包 – 最吸引、最好食就係佢喇，外皮香脆一d都唔油，甜味適中，入面既年糕超軟超煙韌，不會燙口！
飲品-玄米茶正正常常啦，個杯設計拎上手唔覺熱。
甜品- 黑糖芝媽咪(花生豆腐)
質地極奇特別，似年糕又非年糕，絕對唔似平時食既豆腐咁，友人食左一淡就無食，令到我食食下都覺得個口感有d嘔心停左手啦！怒我地唔識得欣賞！
總括：不妨一試，份量ok，而且幾抵食！
