Video
Read full review
2022-03-16
38 views
「厚興瑜記手撕雞」全港有多間分店，聽朋友講話好好味，一直都想試下，今日係屯門卓爾居剛好經過一間，得知佢係全港首間堂食旗艦店，可惜疫情期間要減少堂食，所以都係叫外賣返屋企食算啦。我地叫左個二人餐，有招牌手撕雞半隻，雙拼小食，菜，湯同飯。我地亦另外加左兩個特飲。招牌手撕雞：手撕雞份量都算幾多，回家途中仲聞到外賣盒裏面傳出陣陣麻油香氣，返到屋企就忍唔住即刻開嚟食啦。雞肉肉汁豐盈，唔同部位都有唔同嘅口感，雞髀位置肉質軟滑溜，雞胸結實唔鞋口，每口都充滿着秘製醬汁、麻油同白芝麻嘅味道，店員仲分開附上薑蓉，我哋鍾意點幾多就幾多，非常貼心。雙拼小食：小食分別有海蜇，鳳爪，豬肚，豬耳，雞腎，麻辣豬肚，麻辣豬耳，小冬菇同醬油冬筍，而我地揀左海蜇同豬耳，兩樣都好入味，令人一口一口咁食過不停。上湯娃娃菜：吸收左上湯精華嘅娃娃菜真係非常入味，值得推介。蕃茄薯仔豬骨湯：兩口子住真係好少煲湯，呢排又無得家庭聚會，呢個老火湯真係好有媽媽的味道。3.6牛乳水晶華田 ：3.6牛乳就聽得多，但係用佢黎整飲品就真係好少見到，呢個特飲係3.6牛乳加入華田同仙草整成，入口香滑，仲好重華田味添。金桔奇亞籽水晶蜜：柚子茶加入奇亞籽，
我地叫左個二人餐，有招牌手撕雞半隻，雙拼小食，菜，湯同飯。我地亦另外加左兩個特飲。
招牌手撕雞：手撕雞份量都算幾多，回家途中仲聞到外賣盒裏面傳出陣陣麻油香氣，返到屋企就忍唔住即刻開嚟食啦。雞肉肉汁豐盈，唔同部位都有唔同嘅口感，雞髀位置肉質軟滑溜，雞胸結實唔鞋口，每口都充滿着秘製醬汁、麻油同白芝麻嘅味道，店員仲分開附上薑蓉，我哋鍾意點幾多就幾多，非常貼心。
雙拼小食：小食分別有海蜇，鳳爪，豬肚，豬耳，雞腎，麻辣豬肚，麻辣豬耳，小冬菇同醬油冬筍，而我地揀左海蜇同豬耳，兩樣都好入味，令人一口一口咁食過不停。
上湯娃娃菜：吸收左上湯精華嘅娃娃菜真係非常入味，值得推介。
蕃茄薯仔豬骨湯：兩口子住真係好少煲湯，呢排又無得家庭聚會，呢個老火湯真係好有媽媽的味道。
3.6牛乳水晶華田 ：3.6牛乳就聽得多，但係用佢黎整飲品就真係好少見到，呢個特飲係3.6牛乳加入華田同仙草整成，入口香滑，仲好重華田味添。
金桔奇亞籽水晶蜜：
柚子茶加入奇亞籽，用透明膠杯裝起，賣相唔錯，即使係外賣都令人相機食先。味道方面亦都唔會太甜，食完濃味嘅手撕雞同小食後仲能夠消除油膩感添。
Post
