串燒屋

Open Now

Now Closed

今日黎觀塘做野，經過呢間串燒店好吸引，同同事就放左工黎食。價錢係$248/位 （星期五至日），時段：19:00-21:30 ，2.5小時任飲任食 ，每人送扇貝一隻。.佢有3張叫野食紙，包括：有炸物類、串燒類、網燒類 。炸物類真心好炸但好食，例如：炸蠔、炸榴連、炸蝦🍤、炸豬扒同炸墨魚餅都好好食，全部炸到啱啱好唔會過火。種類繁多，啱晒選擇困難症既我。.另外串燒類就有：豬頸肉串、牛肩肉串、黑毛豬串、大蝦、芝士腸、丸類、雞腎.. 個人超鍾意豬、牛串，因為平時網燒會燒好耐，整做一串串仲要自己識轉，好快就食得又唔會濃。.網燒就有香草羊架、牛仔骨、豬腩片、重點係有蒜蓉燒蠔😍😍😍任食唔嬲，同埋燒茄子。.出面仲有自助飲品區、沙律、沙律菜、菜類同蒜蓉包自取，真係好多野食同好多選擇，其實成晚都食唔晒咁多樣野。天氣咁熱又想bbq真係要黎有冷氣地方食懶人燒烤。