Libra House (Closed)

平時喺港島搵cafe多，今次比我第一次喺土瓜灣搵到間小店，得到一個下午的休閑今日有事要去一去土瓜灣，完成後差唔多lunch時間，但我初到呢區，完全對喺附近覓食無概念唯一想輕食啲，咁啱見呢間cafe應該新開就決定一戰！佢位置係住宅區內街入面，估計想主打街坊客生意，店內唔太大但樓底都幾高，感覺簡約舒服門口有幾個高枱位，如果一個人帶電腦嚟做陣野都好似幾好店內有好多disney嘅擺設，估店主應該係disney fans佢主要食西式輕食，有all day breakfast 三文治同pizza 等等，小店嚟講又幾豐富喎，我見到佢仲要寫手工麵包，即刻心心眼依家好少cafe會自家製麵包🥯 仲有窩夫、飛碟揀，咁我就揀咗芝士蘑菇飛碟，配腸、炒蛋、菇同沙律，加杯凍latte🥗食物賣相幾靚仔，飛碟出色熱辣辣又有拉芝效果麵包食到好軟熟，絕對唔介損口，最怕啲包太乾太脆整體食物質素唔錯坐咗陣向店主問起，原來佢哋仲有間中賣麵包，不過真係不定期出爐同限量！好幸運咁啱當日有新鮮日式菠蘿包，個樣好似蜜瓜包咁好可愛返屋企第二日烘返熱食，外皮香脆麵內又鬆軟，又唔太甜！我鍾意❤️呢啲小店相信疫情下會好難捱。。加油💪🏻