Video
Read full review
2022-02-04
213 views
疫情關係，今年無去親戚拜年，悶到初三赤口終於出街逛逛，係番工前感受下新年氣氛。好多舖無開門，就入咗博多丸食番碗拉麵🍜先黎一碗白丸($67)，👀目測都係碗正正常常嘅拉麵，無咩伏味，食落有啲似出前一丁開出黎陣豬骨湯，而塊🥩豬肉…硬到懷疑未炆林，要沿住肉紋咬先勉強食到，我成口亞婆牙+亞婆胃有啲難handle。紅丸($68)係辣味嘅拉麵，都係得一舊肉，但日本嘅紅，唔係用「赤」字架咩！？不過如果好食嘅，名並唔重要嘅～😌之不過呢…第一啖湯係有陣南乳味，自問成個新年無番屋企食飯，竟然係哩到食到亞媽最鍾意新年煮齋陣南乳味，仲要係微辣嘅南乳，即刻feel 到碗野好有新年氣氛🧨。我基本上唔係好難食嘅都放到入口，但Oppa 下一次都未必會陪我再食，初三赤口，都算有個難忘經歷！
先黎一碗白丸($67)，👀目測都係碗正正常常嘅拉麵，無咩伏味，食落有啲似出前一丁開出黎陣豬骨湯，而塊🥩豬肉…硬到懷疑未炆林，要沿住肉紋咬先勉強食到，我成口亞婆牙+亞婆胃有啲難handle。
紅丸($68)係辣味嘅拉麵，都係得一舊肉，但日本嘅紅，唔係用「赤」字架咩！？不過如果好食嘅，名並唔重要嘅～😌之不過呢…第一啖湯係有陣南乳味，自問成個新年無番屋企食飯，竟然係哩到食到亞媽最鍾意新年煮齋陣南乳味，仲要係微辣嘅南乳，即刻feel 到碗野好有新年氣氛🧨。
我基本上唔係好難食嘅都放到入口，但Oppa 下一次都未必會陪我再食，初三赤口，都算有個難忘經歷！
紅丸
$68
14 views
0 likes
0 comments
白丸
$67
16 views
0 likes
0 comments
跟套配菜
19 views
0 likes
0 comments
Post
