安利大排檔 (Closed)

成日見到網上面好多人介紹安利嘅「切腩魚片撈粗」同「鮮油奶多」，我終於有機會去試吓啦😋 我以為安利咁出名，可能會似澳牛咁要食光速餐。原來都唔係，伙記有禮貌，而且地方比一般茶餐廳乾淨。雖然要搭枱，但係都唔太迫（同小朋友一齊就另計）我慕各而去嘅「切腩魚片撈粗」果然冇令我失望！牛腩好腍，又唔肥；魚片彈牙；粗麵爽口冇鹼水味，不過豉油味唔太濃。我加左D醋同辣椒油就啱晒自己口味。跟麵嘅上湯出奇地好飲，飲完唔會口渴。「鮮油奶多」塊牛油真係好厚！我本住肥就肥，食咗先算嘅心態去食。但係可能期待過高，我嘅結論都只係塊牛油好厚😅煉奶唔夠多，麵包又唔係好香。下次唔會再嗌。另外叫咗杯熱奶茶。茶底香濃，花奶味亦好足，係一杯好飲嘅港式奶茶。