Video
Read full review
2025-04-30
102 views
印象中天龍幾好食，今日見到open rice 有38蚊優惠叫叉燒油雞瀨，咁抵食。即刻12:25落左order，諗住半個鐘咩都整好啦。1點鐘去到，間鋪外面全部都係等外賣既人，執外賣個位有成疊好似垃圾俾人擺埋一邊既單，都知奶奶地嘢。問一問呀姐我個餐有未，佢叫我門口等。等左5分鐘，我覺得好唔對路，因為唔見佢有跡象執我個餐，極度懷疑我張單同疊垃圾擺埋一齊。我再問呀姐我個餐點解咁耐12:25已經叫啦wo, open rice 顯示12:55已經可以拎。呀姐即刻吆喝我話我地11點鐘已到爆曬單啦，唔係睇你幾點落，係睇我地做唔做得切。仲要俾我睇到我唔再問多次，佢都唔幫我整。其實灣仔食飯時間忙，大家都明白。但如果你知11點鐘爆左單，其實可以係唔同channel 停止接單，而唔係來者不拒，然後再罵個客。難道叫外賣既我會知道你地11點鐘已經做唔掂啦咩，知道既話就唔叫啦，貪得意咩，打工仔得一個鐘食飯嫁咋。結果，我1:15先拎到個瀨粉，佢地用左50分鐘煮一個叉雞瀨，真係大癲。Ps. 先唔講好唔好食，真係已經食到成肚氣。一打開個外賣盒，個叉燒黑到一個極點，有一邊油雞冇曬雞皮，真係冇曬心機。如果你想食氣多過食飯，時
其實灣仔食飯時間忙，大家都明白。但如果你知11點鐘爆左單，其實可以係唔同channel 停止接單，而唔係來者不拒，然後再罵個客。難道叫外賣既我會知道你地11點鐘已經做唔掂啦咩，知道既話就唔叫啦，貪得意咩，打工仔得一個鐘食飯嫁咋。結果，我1:15先拎到個瀨粉，佢地用左50分鐘煮一個叉雞瀨，真係大癲。
Ps. 先唔講好唔好食，真係已經食到成肚氣。一打開個外賣盒，個叉燒黑到一個極點，有一邊油雞冇曬雞皮，真係冇曬心機。如果你想食氣多過食飯，時間多都用唔曬，又想食黑叉燒去皮油雞，誠意推薦大家黎呢到！
Post
