Video
Read full review
2018-08-28
77 views
小妹係呢一間餐廳深水埗總店嘅忠實擁躉。除咗因為係朋友嘅朋友屋企開嘅之外，絕對係地道又抵食。每一次都會叫呢度嘅米紙卷，原來呢一間分店可以揀要小份，以往都係食開兩卷。沿芭蕉葉嘅紋路可以撕開慢慢食，唔怕整污糟手。裏面嘅材料有生菜，蝦，米粉，青瓜同香葉，紮實又足料。特色麻醬裏面有酸蘿蔔，花生碎同炸蒜，同米紙卷好夾。番茄蟹膏湯檬都只係$50，一如以往地大大碗。其他越南餐廳好少將香葉切碎混入湯，呢度嘅做法令到香葉嘅味道微微混入鮮茄湯，既鮮甜，又特別。蟹膏有兩塊，厚厚嘅蟹膏似乎混入左少少蛋黃，非常惹味。豬紅都好入味順化牛肉粉係呢間分店獨有，都係大碗又足料。牛肉湯清香又鮮甜，加上洋蔥，茴香，香葉份外甘香。牛𦟌有咬口，肉質絲絲分明，豬手煮得夠淋牛油果沙冰，雖說是沙冰，但入口幼滑， 奶味香濃，值得一試！地理位置係偏啲，但係係性價比超高又充滿人情味嘅小店！
每一次都會叫呢度嘅米紙卷，原來呢一間分店可以揀要小份，以往都係食開兩卷。沿芭蕉葉嘅紋路可以撕開慢慢食，唔怕整污糟手。裏面嘅材料有生菜，蝦，米粉，青瓜同香葉，紮實又足料。
特色麻醬裏面有酸蘿蔔，花生碎同炸蒜，同米紙卷好夾。
番茄蟹膏湯檬都只係$50，一如以往地大大碗。其他越南餐廳好少將香葉切碎混入湯，呢度嘅做法令到香葉嘅味道微微混入鮮茄湯，既鮮甜，又特別。
蟹膏有兩塊，厚厚嘅蟹膏似乎混入左少少蛋黃，非常惹味。豬紅都好入味
順化牛肉粉係呢間分店獨有，都係大碗又足料。牛肉湯清香又鮮甜，加上洋蔥，茴香，香葉份外甘香。牛𦟌有咬口，肉質絲絲分明，豬手煮得夠淋
牛油果沙冰，雖說是沙冰，但入口幼滑， 奶味香濃，值得一試！
地理位置係偏啲，但係係性價比超高又充滿人情味嘅小店！
Post
