Madison's (MegaBox) (Closed)

每次嚟到mega box食lunch都會考慮要不要試吓呢間，但最後次次都覺得太貴褪汰，今日最後一日喺九龍灣返工，點都覺得要試一試。食後感覺整體一般，餐包太多芝麻，多到搶曬胃口，牛尾湯同事話味道一般，貌似罐頭口感。份量偏少，一個意大利飯四個人分，真係分得每人一匙無多無少，味道亦不見突出。最奇怪係呢道主食，魚就先不作評論，上面嘅汁味道十分奇怪，螢光橙色汁醬多少有點嚇人，食有啲黑橄欖味道，又有其他不同味道亂竄，實在難以形容。不過雞腿同豬扒就好食，肉質嫩滑，亦符合西餐應有水準。服務就有待改善，本人甚少提及侍應禮貌事宜，但當日侍應不論接order，或者幫手影張相，都顯得不耐煩，而且機械式落單完全無回應，我真係好無奈我地態度都唔錯呀，不悅表情寫曬上面，做服務業扮下嘢都要啦，更何況你唔係普通茶記呀。