The Right Place (寶勒巷)

有時收工就係想揾人飲返兩杯，吹下水。但唔係成日都想同女友一齊食，話晒都想有返啲私人時間。所以最啱就係揾兄弟出黎傾下偈摸下酒杯底，近近地就黎啱地方。

避風塘軟殼蟹

$98

避風塘軟殼蟹。味道似日式做法無咁辛辣濃烈，辣味同蒜香味都夠幾啱用黎佐酒。

軟殼蟹夠份量，所以炸完除左脆口，內裡仲保持濕潤，不失鮮味。

茄子荷蘭豆米乾車厘茄香草蕃茄汁扭捲粉伴水牛芝士

$158

水牛芝士捲捲粉。水牛芝士都算多，主要係以蕃茄肉醬黎帶出整個捲捲粉嘅味道。芝士嘅咸味就作為藥引點綴當中嘅酸甜。手造捲捲粉質感好特別，滑得黎又好煙韌，有啲似千層麵但又更腍身，MIXED埋一齊幾好食。

1

日式照燒茄子美國安格斯牛肉芝士漢堡伴薯條

$128

竹炭和牛漢堡。點左五成熟啱啱好，漢堡扒好厚起碼有１.５CM所以食落好有漢足感。手打漢堡感覺肉質更結實同多肉汁，入面炒香過嘅洋蔥碎配上和風醬汁更帶出微微香甜，令整個漢堡味道更多更豐富。

最令人回味係佢手上腌子薑黎做襯托，酸爽味道除左大大降低漢堡嘅飽滯感，更令味蕾感受性更大，享受整個漢堡包嘅滋味。

巴馬臣芝士香蒜松露油薯條

$78

薯條。炸得夠脆同香口，大大條唔會到乾爭爭。同埋佢係連皮炸成呢點好重要，有皮嘅薯條先係真正嘅薯條，風味先最好。

DR. KITTY

$66

士多啤梨菠蘿。好清新唔會好甜，飲黎解油膩一流。

MY CUP OF TEA

$148

MY CUP OF TEA。一黎造型加左唔少分先啦，上枱時分左兩杯，可以先分開飲左原味先，之後再溝埋做成COCKTAIL。好創新地用上苿莉花茶黎做雞尾酒，味道又幾唔錯。

有時唔使一定飲到酩酊大醉先好嘅，少少地飲下COCKTAILS享受下美食，就已經好舒壓了。