Two Ediots

Open Now

Now Closed

之前行過，見到佢哋有個任食雞翼同薯條，好似好吸引，所以今日試咗佢哋個任食餐。七點前每位$50，每位要order 最少一杯啤酒。滿懷期待，因為表面上真係好吸引，不過發現好多伏位！！首先講個雞翼嘅味道，得一款係冇得揀嘅。雞翼表面係辣嘅，但係裏面好重雪藏味。薯條就正常。因為出餐出得好好好慢，每次大約20分鐘，所以上餐之後，想即刻再order。點知佢同我講，要食晒先至可以再order ！😳 如果規矩係咁，我都會遵守，不過佢應該事先說明。然後跟住order，又要再等20分鐘。所以，如果你可以好快食完佢出嘅餐，跟住再等20分鐘，兩小時內，都勉強可以叫到5次。如果一個人的話，$50。係抵嘅。不過如果有三個人或以上，就要慎重考慮，因為仲未計啤酒錢。