燒蝦即燒又肥美，平時我食唔新鮮的蝦會皮膚敏感，今次食咗好多種蝦都無事。$325食到靚魚生羊架乳鴿鮑魚，超值！食物味道同質素都超正，連牛肉鍋裏面嗰粒凍咗嘅牛丸都好食！蟹粥好食！第一次見放題有車厘子，好甜😋
一order嘢食極速上枱，雖然限食兩個鐘，但食咗一個鐘個口好攰😆 大滿足！好多嘢食都未叫，水煮魚未食，短期內想再去！
新會員送環保袋，即時有$20 coupon，限期內消費滿$3000送$300coupon，仲有生日優惠！
唯一不滿是7個人坐6人卡位，人多的話指定唔坐卡位好，方便出去拎嘢食又唔洗咁窄
