一入到去，午市居然得幾枱有人坐，都覺得奇怪，入到黎就點野食，點知點完15分鐘都先上一碟一口豆腐上枱，食完再等15分鐘覺得唔對路，就寫多張加單，終於等咗35分鐘倒先開始有煎炸野，跟住等等等，先有蒸野食。
上枱啲野食都熱嘅，但係個牛肉腸啲肉紅到好似冇整熟，老公冇睇食咗一半我先發現，之後就冇食到，建議都係叫叉燒腸穩陣啲。
啲嘢食都幾麻麻，個菜苖餃個皮黏糊到夾唔倒，一夾就散晒，饀都唔結實，見倒都唔太開胃
炸魷魚就粉多到太糊口，真係好麻麻
不過蝦餃、燒賣就正常嘅，如果想返本就每人5籠蝦餃、燒賣應該都差唔多，但其他真係冇乜好食，真心唔會回頭
註：收加一及茶錢$12/位
